ТЭЭГ I

юум. н. 1) хүндэлэбшэ, хүндэлэн хэбтэһэн гү, али табигдаһан модон, нюрга модон (перекладина, поперечина): 1971 оной намар һууринай үнинэй худагай тээг заһажа байхадамнай, Гомбын Цэбжид уһанда ерэбэ (Б.-Б. Намсарайн); тээг модон хүндэлэн табиһан модон (перекладина): Һүүлээрнь тэндэ ойрохон байһан үбһэнэй хуушан хорёоһоо модонуудые зөөжэ, хоёр балгаанаа зэргэлүүлэн бариха гэжэ, тээг модо арангалан, саха бодхоожо, тэрээн дээрээ модонуудаа зэргэлүүлнэ (Х. Намсараев); ороной тээг ороной хүндэлэн табигдаһан модон (перекладинка у кровати); тээг харайжа зугаалха газарта зоогдоһон асатай хоёр гасууда үндэрхэнөөр табигдаһан хүндэлэбшэ дээгүүр һүрэжэ гараха. Нооhоёо сохижо дүүргээд, эдеэнэй болохые хүлеэжэ байhан залуу хүбүүд барилдажа, тээг харайжа зугаалдаг hэн Л. Линховоин (забавляться, прыгая через перекладину); 2) үүдэнэй хүшүүр шэбхэ, хүшэлтэ (засов, щеколда у двери): Хоёрдохи хоногтоо хүбүүхэн бултанай унтаһан хойно үүдэнэйнь тээгые абажа, һэмээхэн гэрһээ гараад, зургаан модоной зайда оршодог адуушанай үбэлжөөндэ гүйжэ ерээ бшуу (Д.-Д. Дугаров); 3) алайр, түнх. ээм дээрээ хоёр хүнэг уһа үргээд ябахын тула хэһэн, хоёр таладаа хүнэг үлгэхэ гохотой нугылгаһан модон, үргэбшэ (коромысло): Дичигмаа Дашадаа һү уулгаад, каша эдюулээд, өөрөө эхэтэеэ сайлажа, хоёр түмэр хүнэг тохоногтоо углаад, тээг баряад, уһа асархаяа гүйдэлөөрөө шахуу водокачкада ошобо (Ж. Тумунов); 4) сэл., сонг. анзаһанай барюул (ручка у рычага плуга); 5) тэг дундуурнь уяатай модохоноор хэһэн шагта, тобшо (пуговица, в виде палочки, привязанной за середину).