ТЭДЭНЭЙХИ

, тэдээнэйхи 1. юум. н. тэдээнэй гэр бүлынхид, ойро дүтын хүнүүд (их семья, их родные): Тэдэнэйхи ёдон ганса моритой hэн. Харин тэрэнээ хүбүүндээ үгэжэ, зол жаргалаа бэдэрэ гэжэ ябуулба (Арадай онтохонһоо); Энэ басаганай абын мэндэ байха үедэ тэдээнэйхи яһала сула айл гэжэ тоологдодог байгаа (Ц. Шагжин); 2. тэмд. н. тэдээндэ хабаатай, тэдээнэй (их): … айл гэр болон түбхинөөд, ерэхэ хабарынь тэдэнэйхи тала нютагай элдэб ургамал ногооной үндыжэ, ургы сэсэгэй, ая гангын анхилма хангалаар дүүрэhэн hайхан сагта анха түрүүшынгээ хүбүүн үриие үлгыдэн абажа, Чимитдоржи гэжэ нэрэ үгэhэн юм (Я. Дармаева).