ТЭҺЭЛХЭ

үйлэ ү. 1) бисалха, дэлбэ татаха, дэлбэ һүргэхэ, дэлбэрүүлхэ, тэһэ сохихо, (лопать, взрывать, выбивать): Үдэшэ бүри юһэн саг болохын урда тээ ракетэнүүдые тэһэлжэ, айл бүхэнэй галаа унтараахын тэмдэг үгэдэг байгаа (Д. Батожабай); нюдэ тэһэлхэ (выбивать глаз): Наран-Гоохон абхайн / Нэгэ гарынь хухалжа, / Нэгэ хүлынь булгалжа, / Нэгэ нюдынь тэhэлжэ, / Сэнгэлэн-Ноён хаантай / Хоёр толгой холбуулан, / Гай зайда гаргаба (Гэсэрһээ); 2) бала сохихо, баллаха, бисалха (разбивать): Аяга тэһэлһэн бэриин иимэ ехээр айһан сошоһониие бултанһаа ехээр айлшан гайхаба янзатай (Д. Эрдынеев); шэл тэһэлхэ шэл бала сохихо, баллаха (разбивать стекло): Хоорбынгоо баруун хажууе бутара дараа, баруун үүдэнэйнгөө шэл тэһэлээ, баруун далияа хоршылгоо (Б. Мунгонов); 3) шэлж. ууха, барижархиха – архи тухай (раздавить, выпить – о спиртном): Бидэшни нүхэсэдэг болонхойбди. Хаа-яа хахадай харые тэһэлэгшэбди (Ц.-Ж. Жимбиев).