ТАЖААРХА

үйлэ ү. 1) сэндыхэ, тэнзыхэ, тэрзыхэ (вздуваться, вспучиваться – о животе): – Үбгэн наһанайнгаа үүдэ татажа, улас түрын тэдхэмжэдэ гараһан хүн хадаа бусад зарим үбгэдтэл бүдүүржэ, тажааржа, нэрэ хүндын түлөө тулам гэдэһэ ургуулаад, … ямбархажа ябаха хүн бэшэ хүм (С. Доржиев); 2) витамин дутахада бэень ургангүй, гэдэһэниинь ехэ болохо, тажаа болодог үбшөөр үбдэхэ; тажааралгаһаа боложо хүгжэлтэһөө гээгдэхэ (болеть рахитом; отставать в развитии вследствие рахита): Тугалнуудай тунгааг шэшэһэндээ зууралдан, торсойлдон тажааран, үбдэхэ хабдахадань, эдэниие аргалха гэжэ аарса бозо эдюулээ, яһанай шүлэ уулгаа, эм домшье шудхаа, үнөөхи санзай юумээршье утаа һэн (Х. Намсараев).