ТАТАЛСАХА

үйлэ ү., хамтадх. залог 1) татахада хамһалсаха, хамта татаха, татахада оролсохо, бэе бэеэ татаха (вместе тянуть, помогать тянуть): Зүдхөөд, даахаяа болиһон газартань үбгэжөөл оглёобоһоонь таталсажа, урагшань ябуулалсадаг байба (Ц.-Д. Хамаев); түлеэ залһыень таталсаха хэн нэгэндэ түлеэень асаралсаха, тайралсаха (помогать вывозить дрова из леса, пилить): …бага хүбүүн Арсаланиинь Баяндайнда түлеэ залһыень таталсажа, уһа мүльһэ асаржа үгэлсэхэ гэжэ ошоһон байгаа (Ж. Балданжабон); өөдэнь таталсаха сэбэрлэхэдэ туһалха, юумыень эмхилэлсэхэ, эмхилжэ гуримтай болголсохо (помогать делать уборку, приводить помещение в порядок): Барга-Няма Бүтэдмаатай сугтаа зуһалангай гэрнүүдэй газаахи зосоохиие өөдэ таталсажа, шорой шохой хамалсажа, үдэ болгобо (Б. Мунгонов); 2) хамта утаар дуулаха, дуулалсаха (подпевать, подхватывать песню): Ерэһэн хэрэгээ урагшатайгаар бүтээжэ, үглөөдэр гэртээ бусахам гээшэ гэжэ омогтой бардамаар бодоод, дотороо баяртайхан ябаһан Гомбо хоолой ниилүүлэн хүхюугээр таталсаба (Ц. Дон).