ТАРААЛГА(Н)

(Н) юум. н. 1) ямар нэгэ юумэ хэдэн тээшэнь хаялга (разбрасывание): Газарайнгаа хүрьһэ һайжаруулга, үтэгжүүлгэ, хии, хохир тараалга гэхэ мэтэ юумэ манай буряадууд һайнаар мэдэдэг байгаа (buryad. fm); 2) ямар нэгэн юумэ иишэ тиишэнь хубаалга, үгэлгэ (распространение, раздача): Эдеэнэй согсолбори суглуулжа, тэрэниие гэр гэрээрнь тараалга нэмэлтэ мүнгэнэй гаргашалгатай болоно (vtinform. com); литература тараалга элдэб ном иишэ-тиишэнь ябуулалга (распространение литературы); мэдээсэл тараалга оршон тойрон тухай мэдээ, баримта зүйл дэлгэрүүлгэ (распространение информации): Үглөө-нүгөөдэр үнгэргэгдэхэеэ байгаа Байгалай мэдээсэлэй ху ралдаанай үедэ үндэһэн хэлэн дээрэмнай олон до мэдээсэл тараалга тухай хөөрэлдөөншье бо лохоор хараалагдана (Б. Балданов); уйдхар тараалга ямар нэгэн хэрэг үйлэдэжэ, уйдхараа даралга (развеяние грусти): Уйдхар тараалганайнь хойшолон: мэдээгүй болотор һогтолгоор дүүрээ (Ц.-Д. Хамаев); үен тараалга үхибүүнэй үендөө хүрэхэдэнь, үһыень хайшалаад, сайлалга хэдэг ёһо (обычай проведения дня рождения по достижению года): Зүгөөр һая ябаа ха юм, үшөө аба эжы хоёроо хүбүүнэйнгээ үен тараалгада уряад ошоо бшуу (Ж. Балданжабон); хоног тараалга хүнэй наһа бараһанай һүүлээр 49 хоногые угтуулан үнгэрдэг уншалга ба сайлалга (поминки после 49 дней по бурятскому обычаю).