ТАЛМАЙРХА II

үйлэ ү. соохор мэдээндэ, мэдээгүйгѳѳр ямар нэгэн юумэ хэхэ, аашалха (действовать бессознательно, рассеянно): Хара ехэ hанаатай / Хара-Зутан ноён / Архиинь уужа алмайрба, / Тамхиинь татажа талмайрба (Гэсэрһээ); алмайрха талмайрха тэнэгээр аашалха, дэмырхэ (нести чепуху, говорить глупости): …тэнгэриин хүбүүн тэнэг Даша архиин һогтуугаар алмайржа талмайржа ябатараа, аргамжадамни шагтагалдажа унашахадань… (Х. Намсараев).