ТАЛБАГАР I

тэмд. н. үргэн, уужам, нэлэнхы, талмагар (широкий, просторный): Гамбал заяанай даруухан, талбагар сагаан шарайгаа хүхюун болгожо, ялалзаһан зоримгой шарабтар нюдөөр энеэбхилэн хараад … Раднатай барилдахаар түхеэржэ, бугжагар томо бэеэ шэлгээн байба (Х. Намсараев); талбагар үргэн нэлэнхы, уужам, дэлгэр (широкий, просторный): Аяар тэрэ доро талмайран шарлажа байһан талбагар үргэн талын дундуур ялагар булад серпэнүүдые һубарюулан табижархиһан шэнги… (Х. Намсараев); үндэр талбагар магнай үндэр үргэн духа (высокий лоб): Үндэр талбагар магнайгаа үргэн татаад, галтай хоёр нюдэеэ гүнзэгы болгон… (Х. Намсараев).