ТАЛААНГҮЙ

тэмд. н. золгүй, зол хубигүй, урагшагүй, урагшаа таһарһан (невезучий): – Юумэ үзөөгүй басаганай эндүүржэ, иимэ муу, талаангүй хүнтэй хуби заяагаа холбоһониинь ямар харамтайб? (Д. Эрдынеев); Талаантай хүнэй тааха таабари, талаангүй хүнэй таахагүй таабари (таабари, ном); аза (гү, али урагша) талаангүй зобоһон тулиһан, зол хубигүй, урагшагүй (горемычный, незадачливый): Теэд ангууша бэшэ һэн хойноо, аза талаангүй һэн хойноо хайшан гэхэбши даа? (Б. Мунгонов); Саанаһаал һаа һожор һойггүй, саанаһаал һаа урагша талаангүй (Б. Мунгонов).