ТАЙРАХА

үйлэ ү. таһалха, отолхо, богони болгохо (отпиливать, обрезать): Морхигорхон гааһанайнгаа мохиие һорожо, тэрэнэйнь дууһахада мүштүүгээ тайран тайран жажалдаг (Ж. Тумунов); Гурбан хүбүү таhалжа, хүндэ үгэжэ, гэрэй углуу тайража, хээрын ганса модо отолжо, шулуу хүдэлгэжэ болохогүй (unen.ucoz.net); түлеэ тайраха түлеэнэй модые түлихээр богони болгожо отолхо, таһалха (распилить дрова): Түлеэ тайража, хахалжа, согтой хүхюун зугаа гаргажа байһан үхибүүд багшынгаа ерэһые бүри обёорбогүй (М. Осодоев); үһэ тайраха үһэ абаха, богони болгохо (стричь волосы): Норжомо үһэеэ тайраад, эжыдээ хараалгаа, хуушанай саг гэдэргээ тэхэрихэ юм гэжэ Сада ахай хэлээ гэлсээ һэн (Ц. Шагжин); эбэр тайраха эбэрэй үзүүр богони болгохо (спиливать рога); эндэг-тааг тайраха һари-мури тайраха, таһалха, муухайгаар тайраха (кромсать); таһа тайраха һалгаажа отолхо (отрезать): Эдэнэй ажаллажа байхые харахада, ямаршье томо түмэрые дуран соогоо таһа тайража, сүмэ нүхэлжэ, баһа ямаршье хүндэ юумые дуран соогоо нэгэ дуугаар үргэжэ эрьюулжэ, хашхаралдан хабархалдан байха юм (Х. Намсараев); ◊ дали тайраха һүрыень дараха; аюулгүй болгохо (подавлять; обезвреживать): – Пётр Семёнович, бишни баһал тэдэнэрэйшни далинуудые тайраха байхаб (Д. Батожабай); хюмһыень тайраха аюулгүй болгохо (обезвреживать): Зай, энэ зэрлигэйнгээ хюмһыень тайража, аюулгүй болгооб (Х. Намсараев); хюмһа хюруугаа тайраха хиһаха, химгадаха, харамнаха (беречь, экономить): Сада барагханаар эдихэһээ арсахагүй хүн, теэд Мүнсэлмаа хюмһа хюруугаа тайражал байдаг (Ж. Балданжабон); ○ танаха гэжэ үгэтэй парн. хэрэгл.