ТАЙЛДАШАХА

үйлэ ү., видэй нэгэ түхэл 1) бэеэ һула табиһанһаа боложо, хубсаһа хунарайнь нэмһэг задагай болохо (развязываться, расстёгиваться): …хара бүд тэрлигэйнь тобшонууд булта тайлдашаһан, бүһэнь бүри доогуур боложо, шагтайшаһан юумэ Морхоон тээшэ хазагад гэжэ… (Х. Намсараев); 2) нээгдэшэхэ, гэнтэ онгойхо (внезапно открываться): Үүдэнэй саана хүнэй хүнгэхэнөөр гэшхэлэн ерэхэ дуулдаад, шэбхэ торд байса тайлдашаба (С. Цырендоржиев).