ТАГЛУУЛХА

үйлэ ү., идх. залог 1) бүглүүлхэ, нягтаар хаалгаха (побудить затыкать): Тиигээд лэ энээхэн шэлээ таглуулаад, шаража үгэһэн мяхыень саарһанда боолгуулаад, энэ наашаа гүйлгөөб (Д. Эрдынеев); 2) хабхаглагдаха, бүглэгдэхэ (затыкаться чем-л.): Мүнөө жандармын халзан ноёндо хоёр хүлөө тушуулаад, хоёр нюдөө боолгоод, хоёр шэхэеэ таглуулаад байна ха юм (Ч. Цыдендамбаев); амаа таглуулха а) ямар нэгэ юумээр амаа хаалгаха, бүглүүлхэ (быть заткнутым – о рте); б) шэлж. торгогдохо, амаа хаагдаха (быть не в состоянии возразить, вынужденно замолчать): Тэрэ һүни эрьежэ хоноһон хадаа амаа таглуулаад, абяагүй һуужа үгөө һэн (Ц.-Д. Хамаев).