ТАБИСА

юум. н. 1) буудалга, харбалга, табилга (пуск, запуск, возможность запуска): ракетэ табиса үсөөрүүлхэ; 2) тодхохо газар (подставка): Табиса дээрэ тааруулжа, Харбаса дээрээ хаймадажа, зэбын дуу зэдэлүүлнэ… (Х. Намсараев); 3) хада уулын оройдо гү, али дабаан дээрэ байдаг үргэлэй газар (место, обычно на горном перевале, где совершались подношения горным духам): Арай харагдахаар субаса харгын бэлшэр дээрэ шулуу обоолжо хэһэн табисада зоной үргэһэн бүдэй таһархайнуудые һагшуур шэнги болотор эдэ гуринха хорхой шумуул эдижэрхиһэн байдаг (Д. Батожабай); 4) хууш. бариса, үргэл (подношение, приношение за требы): Гадна ой тайгын жэжэ божо шубууд табисые шэнжэһэн бэеэрээ «энэ түлбэринь гээшэ» гэһэндэл, сагаахан юумэнүүдые дээрэнь орхёод ниидэшэнэд! (Ц.-Ж. Жимбиев); 5) наадагшын нааданда оруулһан мүнгэн гү, али ондоо юумэн (ставка в игре).