ТААРУУЛХА

үйлэ ү., идх. залог хэмжээгээр гү, али ондоо шэнжээр тааруу болгохо, зохёохо, зохируулха, зохид болгохо, заһаха (приводить в соответствие, приспосабливать, подгонять): Хэды оодороод байхадань газарта бууха шугамайнь хэмжээе гүйдэлтэйнь тааруулаад, хүзүүнэйнь дээхэнүүр дала мүрыень барин, үшөө нэгэ буудаба (С. Доржиев); үндэр набтарые тааруулха үндэрөөрнь шэлэжэ табиха (подбирать по росту): Бүгэдөөрэн хара үхэрнүүдые хүллэхэһөө гадна үндэр набтарыень булай зохидоор тааруулһан байба (Д. Батожабай); үнгэ тааруулха адли үнгэтэй юумнүүдые гү, али хамтадаа һайханаар харагдадаг үнгэнүүдые шэлэжэ абаха (подбирать по цвету): Тиин ябатараа Света зөөлэхэн ногоон зүлгэ дээрэ һуугаад, элдэб үнгын сэсэгүүдые үнгэ тааруулан, холбон холбон гүрэжэ эхилбэ (Б. Мунгонов).