ТААРАМЖАГҮЙ

тэмд. н. 1) зохисогүй, тааруугүй (неподходящий, непригодный): «Зоной ажаһууха байдалда таарамжагүй гэрнүүдые усадхалга» гэһэн гүрэнэй программын хоёрдохи шата Буряад Уласта байгша оной июнь һараһаа бэелүүлэгдэжэ эхилээ (Буряад Y нэнһөө); 2) аягүй, таагүй, дурагүйдэмөөр, муу, муухай (неприятный, неблагоприятный); таарамжагүй үе зохишогүй, таагүй, муу хаһа (неблагоприятный период): Июниин ган гасуурһаа нилээдгүй гандаһан Ара Ториин бэлшээри мүнөө үлүү шииг нойтонһоо нуурмаг, намаглиг боложо, үхэр малда таарамжагүй үе ерээд байна (Д.-Д. Дугаров); таарамжагүй байдал аягүй, дурагүйдэмөөр байдал (неприятная ситуация): «Мууһаа муу, модонһоо хөө» гэлсэдэг, энээнтэй хяаралдабал һайн юумэ болохогүй, юрэдөө, хайшан гэжэ энэ таарамжагүй байдалһаа гарасалдаха юм гэжэ һанажа байтараа, гэнтэ Гурдармаев нэрэ һурагүй энеэжэ оробо (Ц.-Ж. Жимбиев); таарамжагүй болохо зохид бэшэ оршон байдалай тогтохо (оказываться не в своей тарелке): Заяанай шашаг бэшэ зантай аад, зоной дуугай һуухада тэрээндэ ехэл таарамжагүй, гэр соо игсууншаг шэнги болоод орхёо бшуу (Д. Эрдынеев).