ТААРАЛДАХА

үйлэ ү., угталд. залог 1) зохилдохо, бэе бэедээ үлүү дутуугүй зохихо, занда орохо, хэлэһэн соо байха (соответствовать, подходить друг другу): Ондо ондоо яһанай хүнүүд хамтараад, аяг зангаараа тааралдаа һаа, хэнһээшье золтой һуугша бэшэ гү? (Ч. Цыдендамбаев); Эдэмнай бүхы шэнжэ шанараараа тааралдаад байна; Ханда хадам эжытэйгээ тааралдажа ядаба; үндэр набтараараа тааралдаха эгээ үндэрһөө эгээ набтар хүрэтэр жагсаха (выстраиваться по росту): Залуу сэрэгшэд бэе бэетэеэ нэшэсэлдэн, шордогонолдон гүйлдэжэ ябаад, үндэр набтараараа тааралдан, хоёр колонно боложо, старшинагай зүүн гар тээ жагсабад (Г.-Д. Дамбаев); сэнгээрээ тааралдаха сэнгэй талаар хэлсэхэ, ойлголсохо (сойтись в цене): «Хаража үзэгты. Тиигээд сэнгээ тааралдана бэзэбди» гэнэ Борогшоон (Ж. Балданжабон); 2) һанагдаагүйгөөр дайралдаха, гэнтэ ушарха (неожиданно встречаться, попадаться): Зориһон хэрэгээ мэдүүлхэ сагни одоошье тааралдаба гэжэ һанахадаа, тэрэ гэнтэ маһалзажа, һуури дээрээ обхолзоод абана (М. Осодоев); нүхэртэйгөө тааралдаха нүхэртэйгөө тушаан болон уулзаха (вдруг повстречаться с другом): Тэрэ зараса гадагшаа гаража ябатараа, ѳѳртэнь зуун динари үритэй нэгэ нүхэртэйгѳѳ тааралдаба (Библиһээ).