ТӨӨЛЭХЭ

үйлэ ү. 1) төөгөөр хэмжэхэ (измерять пядью): дэгэлэй сээжын үргэниие төөлэн хэмжэхэ; тооложо үгэһэн наһан, төөлэжэ табиһан бэе бурхан багшын заяаһан наһан бэе хоёр (отмеренный век, бренное тело): Теэд бурханай тооложо табиһан наһанайнь арайл эртэ эсэстээ хүрэһэниинь, төөлэжэ табиһан бэеынь залирһан уйдхарта ушар ойн ухаандамнай багтанагүй (Б. Балданов); 2) бага багаханаар урагшаа жүдхэн ябаха (двигаться маленькими шажками, пядь за пядью): Машинанууд гүндүү гэгшээр хүнхинэлдэн, хойто мөөрнүүдээ хооһоор эрьелдүүлэн бур шабар сэсэргэн хорхойн мүрөөр төөлэн ябажа үгэбэ … (Ц.-Ж. Жимбиев).