ТҮШЭХЭ

үйлэ ү. 1) ямар нэгэн юумэндэ тулгалан байха гү, али һууха, налаха, тулаха, тулгалха, юумэ дараад байха гү, али һууха, тохоноглохо (опираться, облокачиваться, наваливаться, напр. на стол): Һарюута үргэбшэ дээрээ лаб һуужа, ара нюргаараа хабсагайн дээшээ эрмэгтэһэн хабтагар хана түшэбэ, һалаатуулан халта дабшалһан хүл дээрээ буугаа табиба (С. Доржиев); стол түшээд унтаха стол дэрлээд унтаха (спать, оперевшись на стол): Эсэстээ толгойгоо даахаа болижо, столоо түшэһэн зандаа унташоо (Б. Шойдоков); 2) хүндэ гү, али юумээр туһалуулха, дэмжэгдэхэ, хамгаалагдаха (пользоваться поддержкой, быть защищённым): – Ундалжа байһан уһанайтнай нэрэ, эзэлжэ һууһан газарайтнай суу, түшэжэ байдаг уулынтнай алдар дуулажа болохо гү? (Д. Батожабай); 3) шэлж. дотороо ямар нэгэ юумэнэй һайнаар бүтэхэ гэжэ хүсэхэ гү, али хүлеэхэ, найдални хүсэлдэхэ гэжэ этигэхэ, найдаха (полагаться, надеяться, уповать на кого-л.): – Зай байза, Халзан, ши намда түшэнэм гэнэш, тэрэшни зүб, би шамайе харалсахаб (Х. Намсараев).