ТҮСЭБ

юум. н. ажал хэхэһээ түрүүн гүйсэдхэхэ үйлэнүүдэй удаа дараалалые уридшалан тогтоохо хараа (план): Тиихэдээ нилээдгүй ехэ түсэб табяад, тэрэнээ хэлэн дээрээ үлөөнгүй, хэрэг дээрээ бэелүүлхые уряалаа (Ц.-Ж. Жимбиев); түсэб хараа ямар нэгэн юумэ хэхэ һэдэлгэ, зорилго (план): Түмэниие эндэһээ нюусаар абаад ошохо зоримгой түсэб хараагаа Хурьганай хөөрэхэдэ, тэрэнь дуугай шагнажа байһанаа гэнтэ… (Б. Санжин, Б. Дандарон); түсэб даабари дүүргэхын түлѳѳ үгтэһэн хэрэг (план, задача): Тиимэһээ түлгэнүүдэй отаранудта зуун хонинһоо зууе бэшэ, дала найман хурьга абаха түсэб даабари үгтэһэн байгаа (Б. Мунгонов); жэлэй түсэб нэгэ жэлэй дотор удаа дараалан дүүргэхэ үйлэнүүдэй хугасаа, ушар байдалые тодорхойлолто (годовой план): Мүнөө үедэ Ородой Барилдаанай федераци Ородой Спортын яамантай болон Уласхоорондын барилдаанай нэгэдэлтэй (UWW) хамта жэлэй түсэб табижа эхилээ (Б. Балданов); «хэмжээ ябуулгануудай түсэб» түсэлэй гол зорилгонууд, гүйсэдхэхэ болзор, харюусалгатай нюурнууд, гол шатанууд гэхэ мэтые тодорхойгоор харуулһан баримта бэшэг («дорожная карта»); түсэб табиха (гү, али зохёохо) хэхэ үйлэнүүдые удаа дараалан хараалха (составлять план): Захиралта яажа дүүргэхэ тухайгаа түсэб табяад, үглөөдэр намда орохош! (Б. Шойдоков); Долоон жэлэй аяншалгын түсэб зохёоһон аад, хоёр жэл тамараад, үбшэндэ нэрбэгдэжэ, һөөргөө тэхэреэш (Ц.-Д. Хамаев); түсэбөө үлүүлэн дүүргэхэ хараалһанһаа дээшэ юумэ хэхэ, дүүргэхэ гэжэ зорилго табяагүй үйлэнүүдые хэжэ үрдихэ (перевыполнять план); түсэбhөө гадуур урид хараалагдаһанһаа гадна (сверх плана); ○ хараа гэжэ үгэтэй парн. хэрэгл.