ТҮРГЭДЭШЭХЭ

үйлэ ү., видэй нэгэ түхэл 1) хурдан болошохо, шуумайха (ускориться): Теэд тэрэ басаганай гэртэ минии ябахамни улам түргэдэшэһэн юм (Ч. Цыдендамбаев); 2) шангаршаха, ордоһолхо, һүжэршэхэ (усилиться): Шууяан, хүүеэн түргэдэшэбэ (С. Цырендоржиев); Эгээл эндэхэнһээ эхилжэ, Лодойн энэ хүхюу нүхэртөө дураа гутахань бүри түргэдэшэбэ (Д. Эрдынеев); 3) яарашаха, шамдаха, мэгдэшэхэ (торопиться, спешить); 4) сухалдаха, ордоһолхо, уур сухал болохо (вспылить, разгневаться): Энээни дуулахадаа зон, гал дээрэ тоһо адхагшадал, бүри түргэдэшэнэ (Д. Эрдынеев); 5) олошорхо, олон болохо (учащаться): Зүб даа, Бадма-Базар Намсараевич 17 жэл соо хүндэтэ амаралтада байгаашье haа, ниитын хүдэлмэридэ хабаадахын хажуугаар олониитэдэ туһатай юумэнуудые хэхэнь бүри түргэдэшөө ха гэжэ һанахаар байдаг (А. Жамбалон).