ТҮРЭ I

юум. н. хүбүүнэй гэртэ үнгэргэгдэдэг найр наадан. Хүбүүнэй гэртэ нэгэ-хоёр духаряа уугаад, гэр бүлэ бологшо хүбүүн басаган хоёртоо үреэл хэлэдэг, бэлэг сэлэгээ баридаг, наада зугаа дэлгэдэг, ёохор хатардаг, дуулалдадаг hэн (свадьба, свадебный пир, происходящий в доме жениха): Ханда Майдар хоёрой гоё һайхан түрэ иигэжэ һанагдаагүйгөөр гутахаһаа гадна, бүлэнэртэнь хүндэхэн сохилто болоо һэн (Д. Эрдынеев); түрэ хурим (гү, али найр, наран) хурим, хурим найр, түрын зугаа (свадебное пиршество, свадьба): Пагмаасаан абгай олон үхибүүтэй хүн хадаа удангүй тэдэнээ гэрлүүлжэ, хойно хойноһоонь түрэ хурим хэхэ байһанаа бодолгото болоно (Ц.-Ж. Жимбиев); Тэрээнһээ уламжалан, тэдэнэр мүнөөдэр үхэршэн боложо гараһан Валиингаа түрэ найр эгээ ямараар хэхэ тухайгаа зүбшэбэд (Ц.-Ж. Жимбиев); Зугаата тосхондо дахяад шууяатай байдал ерэжэ, түрэ наран, зугаа наадан замханагүй (Г.-Д. Дамбаев); түрэ хуримшан хуримда уригдаһан хүн (участник свадьбы); түрэ хуримай дуунууд шэнэ гэр бүлэ бии болохын найр дээрэ дууладаг дуунууд (свадебные песни): Эхэнэрнүүд үе үе сэдьхэлэй хүльбэрмэ уйтай хүндэ дуунуудые, түрэ хуримай дуунуудые, басага хүргэлгэнэй, духаряа барилганай, худа худагын дуунуудые ханхинаса татабад (Ч. Цыдендамбаев); түрэ хуримай зал гэрлэлгын ёһололые үнгэргэдэг тусхай байра (зал бракосочетания в ЗАГС-е); алтан түрэ үбгэ һамган хоёрой, хамта табин жэл һууһанай ойн баяр (золотая свадьба): Үри хүүгэдээ үргэжэ, / Уг удамаа үргэлжэлүүлэгты. / Аба эжыгээ хүндэлжэ, / Алдартань хүргэгты. / Алтан түрэеэ найрлажа, / Аша гушаяа эрхэлүүлэгты (Y реэлһээ).