ТҮРҮҮШЫНХИЕЭ

наречи анхан, анхан удаагаа (впервые, первый раз): Иигэжэ үбшэнэйнгөө нэгэ бага бараг болоходонь, наһан соогоо түрүүшынхиеэ өөр тухайдаа, ябаһан ябадал болон үбгэ наһан боложо байһан тухайдаа шэбшэжэ үзэбэ (Ч. Цыдендамбаев); анха (гү, али тон, эгээл, эхин) түрүүшынхиеэ анхан, анхан удаа (в самый первый раз): Мүнөөл анха түрүүшынхиеэ амита байгаалиин арюун һайханиие мэдэрбэ (Б. Санжин, Б. Дандарон); Теэд буряад үндэhэ яhатан бии гэжэ тон түрүүшынхиеэ дуулажа байнаб (Г.-Д. Дамбаев); Баяр эгээл түрүүшынхиеэ зөөдэлөөр ябаһан хүн хадаа харгыдань дайралдаһан бүхы юумэнүүдээр һонирхоно (Ц.-Ж. Жимбиев); Доржо эхин түрүүшынхиеэ эсэгынгээ урдаһаа гүйбэгүй, һэлмыень зүүжэ, малгайень үмдэжэ, морииень унабагүй (Ч. Цыдендамбаев); түрүүшынхиеэ хараха хэзээдэшье хараагүй, урид нэгэшье уулзажа байгаагүй хүниие гү, али хаража байгаагүй юумые хараха (впервые видеть): Энэ хүниие түрүүшынхиеэ хараһан Энхэ Тайван амиды хүнэй мяха түгдэ татажа абаад, түүхэйгээр эдидэг арьяатаниие үзэһэнһөө өөрэгүй зэбүүсээ һэн (Д. Батожабай); энэ түрүүшынхиеэ болобо бэшэ урид иимэ юумэ болодог байгаа (не первый раз это случается).