ТҮРҮҮШЭЭР

наречи эхилээд, эхиндэнь, эхилжэ байхада (сначала, сперва): Мухандаан түрүүшээр сошоһон аад, байн бэеэ гартаа абажа, зүрхэеэ дараад, энэ хүнэй бии үгыешье ойлгоогүй янзатай, морёо ябуулжархиба (Д. Эрдынеев); эгээ (л) түрүүшээр а) юунһээшье урид, эгээ эхиндэ, нэн түрүүн (прежде всего, первым делом): – Теэд бидэниие сүлөөлхэдэнь, эгээ түрүүшээр юу хэхэ хүсэлтэйбта? (Б. Санжин, Б. Дандарон); б) хэнһээшье урид (первым, раньше всех): Ши эгээ түрүүшээр намайе дуушан болохо бэлигтэйш гэжэ сэгнээ һэнши (Ц.-Д. Хамаев); в) тон түрүүн, һая уулзахадаа (поначалу, на первых порах): – Эгээ түрүүшээр ши намайе сэхэ харахаяа түбэгшөөдэг гээшэ һэн хаш, харин мүнөө болоходо би (Ц.-Д. Хамаев).