ТҮРҮҮНЭЭ

наречи анха түрүүшынхеэ, эгээл түрүүшынхиеэ (впервые): Түрүүнээ хаража байгаашье һаам, Түрэл дүтэхэнөөр харагданал (Ц. Шагжин); эхин (гү, али анха) түрүүнээ анха түрүүшынхеэ, эгээл түрүүшынхиеэ (впервые, первый раз): – Таня Доржо хоёрой эхин түрүүнээ таалалдахада, танай сээжэ хүндүүлхэйтэжэ, зүрхэнтнай үбдөөгүй гү? (Ч. Цыдендамбаев); Доржимае анха түрүүнээ хаража байһан шэнги, Намжал тэрэниие дээрэһээнь уруу энэрхыгээр, дулааханаар шэртэбэ (К. Цыденов); эгээ түрүүнээ юунһээшье урид, эгээ эхиндэ, нэн түрүүн (прежде всего): Эгээ түрүүнээ эхэеэ энхэрүү дулаанаар үгылбэ (Ч. Цыдендамбаев).