ТҮРҮҮЛЭГШЭ

юум. н. ударидагша, хүтэлбэрилэгшэ (председатель): Буряад Уласай Арадай Хуралай түрүүлэгшэ Цырен-Даша Доржиев түрүүшүүлэй тоодо һунгуулиин газар ерэжэ, Ородой Холбоото Уласай Юрэнхылэгшын һунгалтада дуугаа үгэбэ (Буряад Y нэнһөө); суглаанай түрүүлэгшэ суглаанай хүтэлбэрилэгшэ, суглаанай ажал ябуулагша (председатель собрания): Суглаанай түрүүлэгшэ басаган карандашаар уһатай графин тоншожо, аргасаангяар хэлэбэ (К. Цыденов); орлогшо түрүүлэгшэ ямар нэгэ эмхи зургаа толгойлжо байһан даргын удаадахи албан тушаалтай хүн (заместитель председателя): Дамчеевэй хүндөөр үбдөөд, хахад жэл шахуу городой больницада хэбтэхэдэнь, орлогшо түрүүлэгшэ Надмитовай үүсхэлээр тиимэ юумэн болоһон юм (Б. Мунгонов).