ТҮЙСЭ I

юум. н., ород шэнгэн бодос хэдэг, модон оёортой, хиидуугаар hуудаг модон хабхагтай үйhөөр дархалhан амhарта (туесок, берестяная ёмкость цилиндрической формы с плотно закрывающейся деревянной крышкой): Үнөөхи хувараг амбаарай үүдээр бултайжа, хабхаггүй жалжагар, муухан нэгэ түйсэ һарбайба (Ч. Цыдендамбаев); үйһэн түйсэ үйһөөр хэһэн амһарта (берестяной туес): Тиин тэдэнэр түргэхэн хуурай мүшэр суглуулаад, Батанайнь бөөгэй үйһэн түйсэ биса гэшхэһэн бэеэрээ шуура татажа, мүшэр дороо хэбэ (Б. Санжин, Б. Дандарон); т үйсын хабхаг үйhэн түйсэ хабхагладаг түхэреэн модон; түйсын хабхаг хуhан модоор хэжэ, нээхэ хаахадаа татахын тула hур ооhор нүхэлэн оруулдаг hэн (крышка туеска): Түйсын хабхаг эрхыхэнээрээ дарахадал гээд, Наваан-Чингиз дүрэтэйгөөр нээжэ, амһар тээшэнь уралаа дүтэлүүлбэ (Д. Батожабай).