ТҮГ I

: түг-түг гэхэ: үйлэ ү. сохилхо, тоншохо, лүг-лүг гэхэ, лугшаха (стучать тук-тук): Тэдэнэй зүрхэнүүд нэгэ болон, дээрэ дээрэһээ сохилһон юумэдэл, Жалмын шэхэндэ түг-түг гэһэн абяан соностожо байгаа һэн (Д. Батожабай); түг-түг сохилхо түшэгэнэхэ, шангаар сохилхо (сильно биться – о сердце): Өөрынь зүрхэнэй түг-түг сохилхо, моринойнь уухилха болон жэжэхэн шубуудай жиияхаһаа бэшэ юуншье дуулданагүй (Б. Санжин, Б. Дандарон); түг-түг ябаха нэгэ жэгдэ сохилхо, тоншохо (тикать – о часах): Гансал ханын часын түг-түг ябахань дуулдана (С. Ангабаев).