СУРТАЛ

юум. н. үзэл, номнол, һургаал (учение, доктрина): Буддын сурталда ороһон хүн үхэлһөө айдаггүй, амидарал өөртөө гуйдаггүй (М. Батоин оршуулба); шажанай суртал шажан, байгаалиин ёһондо багташагүй эди шэдитэ хүсэндэ, бурхад, һүлдэнүүдтэ шүтэн һүгэдэлгэ (религия); Марксын суртал байгаали ба ниигэмэй хүгжэлтын заршамууд тухай, мүлжэгдэһэн арадай хубисхал тухай, бүхы оронуудта социализмын илалта тухай, коммунис ниигэмэй байгуулалта тухай Марксын номнол (марксизм); суртал дагаха номнол дагаха (следовать учению): Буддын суртал даган, боди мүртэ орохын түлөө мүн лэ эдэ табан шанар хэрэгтэй (М. Батоин оршуулба); суртал нэбтэрүүлхэ номнол дэлгэрүүлхэ, нэбтэрүүлхэ (вести пропаганду, внедрять идею); ○ үзэл гэжэ үгэтэй парн. хэрэгл.