СУЛСАГАР

тэмд. н. булхагар, булсагар, бүлхэгэр, пүсхэгэр (пухлый – о ребёнке): Шарахан гэжэ үбгэн эсэгынь нэрэ үгэһэн, сулсагар харахан, долоотой хүбүүндэнь хүгшэн илангаяа дуратай (Б. Санжин, Б. Дандарон); сулсагар хасар булсагар хасар (пухленькие щёчки): Энээхэн заахан, сулсагар улаахан хасартай эхэнэрэй зосоонь баггүй томо хүсэн зангидагдаад байхадал гэнэ (Ж. Тумунов); сулсагар гэдэһэн һэлхэгэр, балхагар, бүдүүн гэдэһэн (толстый живот): – Харыш, намайе, – гээд, би дахяад лэ сулсагар гэдэһээрээ голой уһа салгидуулан хабтайшабаб (С. Цырендоржиев).