СУХИГАР

тэмд. н. сунхигар, хубхигар, хухигар, хүхэ сагаан, зүһэ муутай (бледный, анемичный): Боди үбгэнэй сухигар шарайдань гэрэл орожо, абар-табар һахал соонь энеэбхилгэ бии болобо (Ц.-Ж. Жимбиев); сухигар сагаан (гү, али хүхэ) саарһан сагаан, сунхигар, шарай муутай (очень бледный; ≈ ни кровинки в лице): Һалбагар, уужам халаадтай, туранхай, сухигар сагаан басаганай аалихан, дүмүүхэнээр гаража ерэхэдэ, Намжал арайхан гэжэ Доржимае таниба (К. Цыденов); Нюурайнь сухигар хүхые анха түрүүн хараһандал, тэрэ сошоод абаба (Б. Шойдоков); һарын сухигар сагаан гэрэл һарын сиидэгэр толон (бледный свет луны): Һарын сухигар сагаан гэрэл талын нюрууда шэнгэжэ эхилээд, һураггүй саана холо хүрэтэр юумэн обёорогдодог болоһон байба (А. Жамбалдоржиев); сухигар урал шуһагүй, хухигар урал (бледные губы): Эсэгынь сухигар урал дахин хүдэлөөд, Гончог-Жамца ламын нэрые арай дуулдахаар үгэлбэ (Б. Санжин, Б. Дандарон); сухигар сагаан болошохо хүхэ сагаан болошохо, сайха, сайраха, хубхииха (по бледнеть): Гэрэлмаае харахадам, амаараа хөөһэ буран, шуһагүй сухигар сагаан болошонхой, түгсүүл дээрэ айшаһан шандагандал бэлтыжэ һууна (Ц.-Д. Хамаев).