СУГТАА

наречи хамта, эблэржэ, хамтаржа, суг (вместе, совместно): Мэдээ орохоһоо хойшо нэгэ газарта үдэһэн үхибүүд сугтаа наадажа үндыдэг, эльгэн хани нүхэд болодог гээшэ ааб даа (С. Осорова); сугтаа ябаха а) хамта, нэгэ замаар гэшхэхэ (идти вместе): Теэд сугтаа ябаһан хүбүүдынь бусажа ерэхэ хэбэргүй, хүбшэ тайга харлан лүнхынэ (М. Осодоев); б) хамта ажаһууха, наһаяа үнгэргэхэ (жить вместе, рядом): Арбан жэл суг һураад, бүхы наһан соогоо сугтаа ябахабди гэһэншүү сэдьхэдэг бэлэйлби (С. Цырендоржиев); сугтаа һураха нэгэ класста гү, али ангида һураха (учиться вместе): Сугтаа һураһан басагадни баран шахуу хадамда гараад, зариманиинь институт энэ жэлдэ дүүргэбэ (З. Гомбожабай); сугтаа алба хаагша нэгэ газарта алба хаагша (сослуживец); сугтаа байха (гү, али һууха) а) нэгэ байрада хамта ажаһууха (жить вместе в одном помещении): Байраһаа гараха дээрээ яаража мэгдэжэ, сугтаа байдаг нэгэ нүхэрэйнгөө хүрхигэр уужам аад, зуд хүндэ үбэлэй дэгэл үмдэжэ орхиһоноо һая мэдэжэ, сэдьхэлдээ үлэ мэдэг бэеэ наада харана (Ц. Дон); б) хамжаад һууха, гэрлэнгүйгөөр үбгэ һамган хоёр шэнги болоод һууха (сожительствовать): Эрдэни Хонгор хоёр Шулуун Жаргал хоёрто гэрлэхэмнай гэжэ үни хада хэлэһэн аад, мүнөө болотор сугтаа һуудаг болоодүй юм (Д. Эрдынеев); сугтаа байһан эхэнэр хамжажа һуугша эхэнэр (сожительница); сугтаа байшагүй зүйл бэе бэедээ таарахагүй байдал (несовместимость); сугтаа бодохо нэгэ доро, нэгэ сагта бодохо, һэрихэ (вставать вместе, одновременно): Би абатаяа сугтаа бодоод, нюураашье угаахаяа мартаад, хүл нюсэгөөр хүйтэн шүүдэр соогуур Сэнгэтэн тээшэ гүйдэг бэлэйб (А. Жамбалдоржиев).