СОЁЛ

юум. н. ниигэмэй хүгжэлтын ябасада хүн түрэлтэнэй бүтээһэн эд баялиг, оюун ухаанай ололтын согсо (культура): Буряад хэлэмнай гол түлэб үндэһэн соёлоо хүгжөөхэл үүргэтэй хэлэн боложо байнхай (Л. Шагдаров); оюунай соёл оюунай баялигай согсо (духовная культура); соёл болбосорол эрдэм, урлал, болбосорол, хүмүүжэлэй согсо (культура, образованность): Бидэниие ёһо заншалаа алдангүй, үри хүүгэдтээ хадагалан дамжуулна, нилээд үндэр соёл болбосоролтой гэжэ тэмдэглээ (Д. Мархадаева); соёл болбосоролой үнэтэ зүйлнүүд уран һайханай, эд зөөриин үнэ сэнтэй, ниитын үнэ удхатай, мүн хүн зондо гоё һайханиие шэнгээн ойлгуулдаг, эрдэмэй ба түүхын нүлөө үзүүлдэг соёлой бодосто ба бодосто бэшэ зүйлнүүд (культурные ценности); үндэһэн соёл жэнхэни үндэһэтэнэй баялиг (национальная культура): Үндэһэн соёлойнгоо түлөө шуһа мяхаараа орохо хүнүүд аймагуудта хүдэлхэдөө энэ шухала хэрэгые хүгжөөхын түлөө оролдохо гэжэ партимнай найдана ха юм даа (Д. Эрдынеев).