СООХОРЛОХО

үйлэ ү. 1) алаглаха, алагтан эреэлхэ, эреэлжэхэ, ираганаха (пестреть): Дагдайн газар дээгүүр шара хүхэ сэсэгүүд хэм гаднаар угалзатан соохорлоно (Ч. Цыдендамбаев); соохорлохо эреэлхэ алаглаха, эреэлжэлхэ (пестреть): Тэрээниие зубшан ургаһан шугы бургааһан ямар нэгэ магнал торго хэдэрээд байһан шэнги, соохорлон эреэлэн харагдана (Х. Намсараев); соохорложо хайлаһан саһан эндэ тэндэ хайлаһан саһан (местами растаявший снег, снег с проталинами): Соохорложо хайлашаһан саһанай дундуур асари томо тэргэдэ даруулжа, үхэһэн могой шэнги һунанхай харгын зурагар далан годиролдон хэбтэбэ (Д. Батожабай); 2) шэлж. дэмырхэ, бүүр-түүр юумэ һанаха, ухаанай нэгэ һонор болохо, нэгэ балртаха (затуманиваться, мутнеть – о сознании): Айдайн ухаан соохорлоо юм гү, али яанаб даа, нэгэ эндэ, гэртээ, нэгэ ондоо тээ, үнгэрһэн сагуудайнгаа оршондо орон гаран шэлжэжэ, онгосодол хэлбэлзэнэ (С. Доржиев); ○ эреэлхэ гэжэ үгэтэй парн. хэрэгл.