СОМОО

юум. н. 1) 4-һөө 12 хүрэтэр бухал зэргэлүүлэн табижа дээрэнь үбһэ хаяжа обоолһон үбһэн, һүри (стог сена, скирд): Һархяагай түхэлтэй болотороо адууһа малда эдюулһэн сомоо дээрэ гараад, дээрэхи саһыень болгоомжотойгоор унагаажа, түмэр асаар ходолжо захалхадань, сомоонь хоёр тээшээ хэлбэлзэбэ (М. Осодоев); сомоо һүри 4-һөө 12 хүрэтэр бухал зэргэлүүлэн табижа дээрэнь үбһэ хаяжа обоолһон үбһэн (стога): Энэ үедэ хэдэн губхигар сомоо һүринүүдэй баруун хажууда хоёр богонишог сомоогой һуури татагдажа, тэрээндэ зургаан хүбүүд гурба-гурбаараа бэе бэетэеэ мүрысэн, бүришье габшагай шэрүүнээр үбһэ хаяжа эхилнэд (Х. Намсараев); сомоо нюргалха һүриин толгой хаяха, һүриин бороодо норохогүйн тула гол руунь утаашань гүбылгэхэ (вершить стог); 2) шэлж. дээрэ дээрэһээ, арха-барха хаягдаһан юумэн, нэгэ газарта түглытэр сугларһан, дарайса обоолоотой юумэн (куча, груда); обоо сомоо дарайса обоолоотой, олоороо сугларһан, нэгэ газарта түглытэр сугларһан (наваленный кучей): Нээрээшье, тэндэ обоо сомоо хуурай гэшүүһэ мүшэр ябтаржа хэбтэбэ (Б. Мунгонов).