СОХИСО

юум. н. 1) алхилта, тоншолго, шаалга; лугшалга (удар, удары; биение): Жамсаран Галдановичай шэхэндэ врачай үгэ аяар холоһоо, эзэгүй сууряан мэтээр, балтын хүндэ сохисо мэтээр сэдьхэл зүрхыень дорьбоон соностоно (С. Цырендоржиев); шиидхэхы сохисо эрид шууд шаалга (решительный удар); зүрхэнэй сохисо зүрхэнэй лугшалга (биение сердца): Хоёр нүхэдэй нангин тангаригые баталжа байһандал, Кремлиин курантнууд Эхэ орондоо үнэншэ залуу патриодуудай зүрхэнэй сохисотой хамта сохилбо (Ж. Тумунов); 2) часай нэгэ жэгдэ хос-хос, түг-түг гэһэн абяан (ти канье часов): Гэр соонь сэбэр, һонорхон, абяа шэмээшье үгы, гансахан лэ зүүн ханадань үлгөөтэй шэнэхэн часын нэгэ жэгдэхэн сохисо хос-хос, хос-хос гэжэ дуулдана (Ц. Дон); 3) хүлеэгдээгүй хурдан добтолго (внезапное быстрое нападение): Ябадалаа түргэдхэжэ, сохисоо шангадхахын тула Устиновай полкын зарим подразделенинүүд танкнуудта һууба (Ж. Тумунов); 4) эрье мүргэһэн долгин (прибой).