СОГСОЛОЛ

юум. н. тобшолол, тобшолһон удха, үрэ дүн (обобщение, напр. выступления); согсолол хэхэ үрэ дүн гаргаха, удхыень тобшолхо (обобщать, подытоживать): хэлэхэеэ һанаһан һанал бодолоо үндэһэлжэ, согсолол хэжэ шадаха; б) эблүүлэн зохёохо (делать свод, сводить): Хэды тиигэжэ зүбөөр ойлгобошье, мэдээжэ бүхы үльгэршэдэй, онсолон нэрлэбэл, Майсаан Алсыевай «Гэсэрнүүдые» доро доронь номууд болгон хэблэжэ гаргаад, Намжил Балдано шэнги үшөө дахин согсолол хэжэ, томо-томо уран зохёолшодоймнай нэгэн хамтаруулһан суглуулбари бэшээ һаань, тон ехэ бүтээл болохо һэн (Н. Бальжинимаева).