СОГСОЛХО

үйлэ ү. 1) обоолхо, сомохо, эмхилхэ, дээрэ дээрэһээнь хаяха (наваливать в кучу, складывать грудой): Василий Васильевич үхибүүндэл солбоноор хүдэлжэ, унтари хэбтэриеэ ханагтайханаар монсо-сонсо болгон согсолно (Ч. Цыдендамбаев); 2) суглуулха, нѳѳхэ, нѳѳсэлхэ, дараха (собирать, накапливать); хүсэеэ (гү, али хүсэ шадалаа) согсолхо хүсэ шадалаа зангидаха, бүхы хүсэеэ суглуулха, шадалаараа болохо (собирать все силы): Бугуули гээшые эмниг мориной хүзүүндэ хаяжа ерэһэн бэеэрээ бүхы хүсэеэ согсолжо, татажа мэдэхэш (Ц. Шагжин); Үбгэн һүүлшынхиеэ үлгэн дэлхэйнгээ шэнжэ түхэл, алтан наранайнгаа элшэ туяа, дунгяа сэлгеэн тала нютагаа үзөөд лэ мордохо гэжэ, бүхы хүсэ шадалаа согсолон, газаа гараһан байгаа (Ц. Шагжин); сэдьхэл һаналаа согсолхо бүхы һанажа ядаһан юумэеэ һанахаяа оролдохо, анхаралаа шэглүүлхэ (напрягать память, концентрироваться): Теэд хаана хараа бэлэйб гэжэ Арсалан бүхы сэдьхэл һаналаа согсолно (Ц. Шагжин); 3) шэлж. дүгнэхэ, тобшолхо, эсэслэхэ (обобщать, подытоживать, резюмировать): Мүнөө ургаса ногооной элирээ һэн хойно тэрээхэн үрэ дүнгыень согсолжо үзэмөөр болоо гэжэ түрүүлэгшэ шиидэһэн янзатай (Б. Мунгонов); хүдэлмэриин дүй дүршэл согсолхо хүдэлмэриин дүршэл шадабаряа нэгэдхэжэ хараха (обобщать опыт работы).