СОГСОГОНОХО

үйлэ ү. 1) огсогонон ябаха, собхорон харайха, дондорон татажа ябаха (ходить вприпрыжку, подпрыгивать): Тиигэжэ хүлигдөөд байхадамни, эзэмнай азарга тахяа шэнги согсогонон, хажуудамни ерэжэ, нюуртамни пиласа нёлбоод … – энэ золиг мүнөө һүни Болотниковые алахаяа түхеэржэ байгаа. Тиигээд лэ энэ бани соо ороо, найдамтай хүнүүд намда дуулгаа, – гэбэ (Б. Санжин, Б. Дандарон); согсогонон бодохо харайжа бодохо, һүрэжэ бодохо (вскакивать с места): Энэ үедэ Шатуухан хүгшөө согсогонон бодоод, пеэшэнэй шэлээбэр абажа, гэрэй булан хаяагаар, шэрээ доогуур хонгиргожо оробо (М. Осодоев); 2) годогонохо, дэдэгэнэхэ, хөөрсэгэнэхэ (юлить): Ши энээ руу уур хилэндэ баригдаад, сагһаа урид согсогоноод, маниие гэнэдээхэ гэжэ байнаш! (С. Доржиев).