СЭМБЭ

1. юум. н. нягта нэхэлгэтэй, хоёр таладаа үhэрхэг, зузаан нооhон нэхэмэл эд бараа (сукно): Үнэтэй сэмбээр хэһэн дэгэлынь ташаагаараа ехэ барюу, тиимэһээ нариихан бэедэнь саб һуунхай (Ч. Цыдендамбаев); нарин сэмбэ нарин нооhоор нэхэгдэhэн миин хилгааhан бүдтэ орходоо зузаан нягта бүд, дэгэл гадарлахада хэрэглэгдэдэг һэн (тонкошёрстное сукно); һэрхигэр (гү, али бүдүүн) сэмбэ шэрүүн ямаадха нооhотой хониной нооhоор нэхэгдэhэн бүд, бороодо нэбтэрхэгүйн тула суба, юудэн гэхэ мэтые оёдог hэн (грубошёрстное сукно); сэмбэ дарадаг машина нооhо мухарюулжа дарадаг машина (сукновальная машина); 2. тэмд. н. сэмбэдэ хабаатай, сэмбээр оёһон (суконный): Тииһээршье тэдэ хоёр улаан сэмбэ хушалтатай ута столой саана һууһан хүнэй урда ошожо, ерэһэн тухайгаа тэмдэглүүлбэд (С. Цыдендоржиев); сэмбэ гутал сэмбэ шэрэжэ оёhон түриитэй, хабар-намар, дулаанай сагта үмдэдэг эрмэгтэй гутал (унты со стёгаными голенищами).