СЭЛСЭГЭР

тэмд. н. 1) монсогор, бэлсэгэр, уһабхи (наполненный жидкостью; студенистый): – Эгээл айдаг юумэнүүдээ һалгаабаб, – гэжэ Эржээнэ һайрхана, Володиин гарһаа сэлсэгэр ногоохон виноград абажа, ама руугаа шэдэлнэ (С. Цырендоржиев); сэлсэгэр-сэлсэгэр уһан олон монсогор томо дуһалнууд (крупные капли); 2) тарган, сулсагар, өөхэ ехэтэй, дайрахада шэшэрдэг (мягкий, жирный): Минии үгыдэ хүбүүемни иимэ сэлсэгэр томо, сэдьхэлээр үргэн тэнюун хэн болгоо гээшэб гэжэ бү гайхаарайш (Ц.-Д. Хамаев); сэлсэгэр хасар шулхагар, һанжуу хасар (отвислые щёки); сэлсэгэр томо хүхэнүүд оболзомо ехэ хүхэнүүд, маамаа (большой женский бюст): Шинии шэнээн гоё госхогор, иимэ сэлсэгэр томо хүхэнүүдтэй һамгад байгаа юм ааб даа (Ц.-Д. Хамаев).