СЭГНЭГДЭХЭ

үйлэ ү., хүлеэгд. залог ямар нэгэн юумэн тухай иимэ тиимэ гэжэ hанал гаргагдаха, үнэлэгдэхэ, шүүбэрилэгдэхэ, үнэтэйдэ тоологдохо (оцениваться, цениться, расцениваться): Бэлиг талаан гээшэ нэгэнтэл заабол сэгнэгдэдэг гэжэ залуу үетэндэ хэлэлтэй болоно (Б.-Б. Намсарайн); дээгүүр сэгнэгдэхэ гарамгай, гайхамшаг гэжэ тоологдохо, тоогдохо (высоко цениться); ажалаараа сэгнэгдэхэ хүнэй ажалай бодото үрэ дүнгөөр hанал гаргагдаха (цениться по проделанной работе): Хүн гээшэмнай ама хэлээрээ бэшэ, хэһэн туйлаһан ажалаараа сэгнэгдэхэ ёһотой гэжэ хэлсэнэ бэшэ гүбди (Ц. Шагжин).