СЭБ II

шангадх. част. таһа, саб, яб-таб, шаб (крепко, сильно, совершенно): – Хүйтэн сэб гэһэн архитай гүт? – гэжэ мэндэеэшье хэлэнгүй бөө шуухирба (А. Ангархаев); сэб шүүрэхэ гэнтэ шангаар, табихагүйгөөр барижархиха (крепко схватывать): Зол хубияа золгоhон / Заса-Мэргэн баатарай / Сэсэг-Ногоон абхайгаа / Сэб шүүрэн абахадань, / Олон сагаан тэнгэришүүл / Оншоёо олохоо болибо (Гэсэрһээ); сэб хүйтэн а) янгинама хүйтэн, мүльһэн хүйтэн (ледяной, совершенно холодный): Полицинууд энэ мэтээр эдэниие нилээд удаан сохиһоной һүүлдэ, мэдээ ухаагаа алдан, һунажа хэбтэһэн тэдэн дээрэ брезент соргоор сэб хүйтэн уһа хаяба (Х. Намсараев); б) шэлж. шэрүүн, хатуу үгэгүй (неэмоциональный, сдержанный): Хорлом ямар халуухан, ямар ошотойхон аад, сэб хүйтэн болошобоб (Ж. Тумунов).