САНХАТАХА

үйлэ ү. 1) хурса юумэ эдихэдэ, архи уухада хорон боложо, зосоогоо үбдэхэ. Y хибүүнэй санхатахагүйнь тулада тэрээндэ багаханаар уһа хээд хөөрүүлһэн бүлеэхэн үхэрэй һү угжадаг һэн (болеть расстройством желудка): Байгша оной августын хоёрто Байгалай эрьеын Лемасово газарта хизаарламал харюусалгатай «Группа-Дали» бүлгэмэй аяншалгын баазада 77 хүнүүд, тэрэнэй тоодо 66 үхибүүд санхатажа, эмнэлгын газарта ороһон байна (Буряад Y нэнһөө); Хонин бороо хурын hүүлээр таряанда ороо hаа, хото соонь олигой түргөөр эhээд лэ, тэрэ дороо санхатажа, гүзээгээ тэhэрхэ (Ж. Лубсандашиев); 2) ушатай байха (иметь глистов).