САХАРИГТУУЛХА

үйлэ ү., идх. залог түхэреэн болгохо, монсойлгохо, дүхэриг хүүлэхэ (закруглять, округлять): Холын хүдөө Шаазгайтада түрүүшын тракторай ерээд, түмэр хоолойгоороо хүхэ утаа сахаригтуулан гаргажа, хүн зониие гайхуулжа, хүлгүүлжэ байһые һануулнал даа (М. Осодоев); нюдэеэ сахаригтуулха нюдэеэ бэлтылгэхэ, бэлсылгэхэ, томо болгохо (округлять глаза): Шэшэрһэн гараа урдаа тохиилгоод, нюдэеэ сахаригтуулан зогсожо байһан үбгэнэйнгөө шарай харахадаа, энеэбхилжэ байһан Жалмын нюур барагад гэшэбэ (Д. Батожабай); һүүлээ сахаригтуулха һүүлээ дээшэнь годиилгохо, хотойлгохо (закруглять хвост крючком): Мэнэ мэнэ хүсэн ерээд, Холхойн дахые унхидаад абана, тиихэдээ газараар шэрэһэн һүүлээ сахаригтуулан, эрхэлхээ һанана (Д. Эрдынеев).