САГДУУЛ

юум. н. һая ургажа байһан модон, зулзага модон (молодое деревце; молодой лес, поросль): Зүүн таладань адха шулуунай доро тэрэ саһа этэрээд, ойгуураа байһан хэдэн сагдуул отолжо, саһан нүхэн соо дэбдибэ (С. Доржиев); сагдуул нарһан нарһанай зулзага модон (со сенка): Петров нэгэ сагдуул нарһанай узуурта тодхоотой рацида ошожо, намайе дивизитэй холбогты гэжэ радистда хэлэбэ (Ж. Тумунов); сагдуул хуһан хуһанай зулзага модон (берёзка): Хойто хабарынь Хуһан–Гуяынгаа бооридо һагад, шулуун соо багахан сагдуул хуhа һуулгажа, горхонһоо тудхуураар уһа зөөжэ уһалдаг һэм (Б.-Б. Намсарайн); сагдуул хасууринууд һая ургажа байһан хасууринууд (ёлочки): Тойроод байһан бургааһад, тэрэнгиин эшэнүүд, жэжэхэн хуһад, сагдуул хасууринууд – бүгэдэ үдхэншье бэшэ, һиирэгшье бэшэ… (Ж. Тумунов).