САГААХАН

тэмд. н. сайбархан, саһанай гү, али һүнэй үнгэтэй (беленький): Орой намарай агаар хүйтэ татажа, мэнэ-мэнэ саһанай сагаахан абаахайнууд тунгалаг агаартань зонхилхоёо байһандал үзэгдэнэ (С. Цырендоржиев); саб сагаахан сарьяма сагаахан, сайбархан (беленький-пребеленький): Хажуудань хэншьегүй, тэрэнэй шэнэбтэр шара бүд самсын энгэр сэлеэтэй байжа, саб сагаахан үбсүүниинь холоһоо сайбайжа харагдаа һэн (Х. Намсараев); сагаахан шарайтай сэлмэг шарайтай (светлолицый, с беленьким личиком): Сэнхир номин платитай, хургаар хүрэшэгүй сагаахан шарайтай басаган багшынгаа асуудалда харюу оложо ядаһан мэтэ зогсобо (С. Цырендоржиев).