САБХИ

юум. н., ород ехэнхидээ булгайраар тусхай хэбтэ татажа оёһон, хадамал улатай, ута түриитэй гутал (сапоги): Насаг тэрэ гол гаталаад, сабхияа тайлажа уhыень адхаба, хубсаhаяа, орёолтоёо бажуужа үмдэбэ (Г.-Д. Дамбаев); сабхи гутал ута түриитэй гутал (сапоги): Сагаан торгон дэгэлээ, улаан булгайр сабхи гуталаа үмдөөд, боосоото урилдаанда ерээшэ Юмдэлэг тайшаае Доржодо эдэ шубууд һануулба (Ч. Цыдендамбаев); кирзэ (гү, али кирзовэ) сабхи уһа табидаггүй бодос түрхигдэһэн эдээр оёһон ута түриитэй гутал (кирзовые сапоги): Залуу механик кепкэеэ һарюушаг табинхай, хүхэ комбинезоноо элюурдэжэ үмдэнхэй, хуушабтар кирзэ сабхияа ялайтар аршанхай (Ц.-Ж. Жимбиев); Долгормаа бороогой шалбаагуудые тойронгүй, сэб сэхэ, мантан томоор харагдаһан кирзовэ сабхяараа оймоһоор гүйжэ ерэбэ (А. Ангархаев); резинэ сабхи хүлэй норохоһоо хамагаалдаг, нэбтэрдэггүй гутал (резиновые сапоги): Зузаан брезент субатай, аладаа хүрэтэр түриитэй резинэ сабхитай түрүүлэгшэ Санжын түрүүн харагшаһаа тад ондоо мэтээр һанагдаба (А. Ангархаев).