СААЗАЛХА

үйлэ ү. хүнэй гэмтэ хэрэг үйлэдэһэнэй түлөө ами хороохо, ами таһалха, алаха (казнить): Селенгинск шадарһаа моридые хулууһан хүнүүдые далдалһанайнь түлөө Сэрэн-Цоколойн гурбан һайн эрые саазалхань (Б. Санжин, Б. Дандарон); саазалжа алаха ами хороохо, ами таһалха (казнить): Англиин король Генрих зургаан һамганайнгаа хоёрыень эндэ саазалжа алаһан юм (Д. Батожабай); саазалан алалга сүүдэй эгээ хатуу хэһээлтын хэмжээ болохо ами таһалалга (казнь): Оросой Холбоото Уласта саазалан алалга 1997 оной апрелиин 16-да юрэнхылэгшэ Б. Н. Ельцинэй тогтоолоор хоригдоһон; саазалха гэхэ алаха гэжэ шиидхэбэри гаргаха (приговаривать к смерт ной казни).