СААГУУРҺАА

1. наречи холоһоо (издалека); 2. дах. ү. ямар нэгэ юумэнэй ара тээһээ, нүгөө талаһаа, саанаһаа (из-за): Огторгойдо үнөөхил барагар боро үүлэнүүдэй урилдаахын хажуугаар, тэнгэриин дуун холоһоо, далайн саагуурһаа эхилжэ, бардаасатай дорюунаар хүнхинөөд, улам дүтэлэн лужаганана (Б. Мунгонов); гэрэй саагуурһаа гэрэй араһаа, ара тээһээ (из-за дома): Хори минута үнгэрөөд байхадань, Дулма Жамбаловна одоолшье наадахи гурбан дабхар гэрэй саагуурһаа гаража, холо холо гэшхэлэн хүрэжэ ерэбэ (Б. Мунгонов).