СҮГСЭ

юум. н. 1) бурханай урда табигдадаг багахан аад, хүлгүй үнгэтэ түмэр амһарта. Дабжадай урда эрмэг дээгүүр һубарюулан, найман сүгсэ табидаг байгаа (чашечка для подношений: священной воды, жертвенных зёрен и т.п.): Хойморой гунгарбаагай урдуур жэрылдэгшэ сүгсэнүүд халитараа уһа дүүрэнхэй (Ц.-Ж. Жимбиев); мүнгэн сүгсэ бурханай урда табигдадаг мүнгөөр хэһэн амһарта (серебряная чашечка для подношений): Тэдэнэй араарнь дэрбэгэр томонууд мүнгэн сүгсэнүүд табяатай (Ц.-Ж. Жимбиев); сад сүгсэ бурханай урда табигдадаг шара үнгэтэй үнгэтэ түмэрөөр шудхамал амһарта (латунная чашечка для подношений): Баруун хойто буландань эһэ тортогто харлашаһан набтархан бурханай шэрээ дээрэ ганса бишыхан сад сүгсэ соо үнэһэн дээрэ ганса монсогор хара хөө сог, тэрээн дээрэ арса гангын дүрэнхэй үлөөдэһэнүүд харагдана (Х. Намсараев); 2) һүнэй машинын зөөхэй илгахын тула байдаг аягын түхэлтэй түмэрнүүд (тарелки сепаратора).